我男朋友系马尾控

虚：我其实最萌女仔扎马尾咖～
春日：咩话？
虚：我已经唔记得咗系几时见过，总之你扎马尾个样好睇到犯晒规～
春日：啊？你系咪傻傻哋咖！

啱啱开始拍拖（05年），男朋友就自称马尾控，一直叫我扎马尾，孖辫更佳～～但除咗高中果阵翻学强制要扎，我之后就好少扎～
佢时不时会嗔两句，话：做乜唔扎头发？
我就会话：唔想扎咯～
知道佢有少少失落噶，但我觉得扎起身唔好睇依嘛～～～
有时我一时兴起扎起头发，佢就会好开心咁话：今日咁自觉？

曾经我都觉得男朋友好似阿虚咁，傻傻哋咖，成日叫人扎孖辫～～
但系好似春日咁硬颈噶女仔，到头来都系口硬嗟，第二日返学就扎翻马尾，仲话发作恶梦；但阿虚见到一定明白晒，之前果个唔系梦，春日真系中意佢，而佢当然都拜倒系春日噶马尾之下啦～～

其实佢觉得好睇就得啦，同佢一齐就扎多嘀咯；其实呢个唔单只系个LOOK噶问题，仲系两个人之间噶默契：佢觉得好睇，我觉得开心，仲使乜理其他人点谂？

好似春日咁，好似爱美丽咁，我哋噶世界有我哋自己噶特色，其他人唔BUY又点？我哋系主宰，其他人只不过系过客～～