在這世界的角落


3樓貓 發佈時間:2022-09-09 18:53:01 作者:Fung_Ng Language

“有時候會想,歷史課本上的一句話,背後是那麼多人的故事、那麼多人的一生啊。”

       我好感慨,豆瓣呢句無名嘅短評,精準概括咗我關於呢部電影嘅感觸,世界之大同個體嘅渺小,放之於大時代下就更顯得突兀,系每日熄滅嘅萬千生命之光嘅映襯之下,你我小小嘅存在彷如塵埃,不禁令人錯覺自己是否真實存在過?偏處繫世界一隅,既難以躋身中心,亦無法獨善其身,只能無奈咁隨波逐流,任自己嘅命運飄散系風中。

       我覺得只有日本人先可以拍出咁樣嘅戰爭片,用平民嘅視覺去敘述戰爭,彷彿置身於一個架空嘅平衡宇宙,環顧四周,幾乎搵唔到戰爭嘅影子,但卻又時刻都能感受到戰爭濃烈嘅氣息。從無憂無慮嘅童年到懵懂嘅少女時代,天生神經超大條嘅女主本身同戰爭完全拉唔上關係,卻始終被捲入其中。如果話物資配給、挖防空洞、躲避轟炸都只系日常生活嘅一部分,那麼被炸死嘅小侄女同失去嘅右手就徹底戳破咗遠離戰爭嘅幻想。

       從前,我一直未真正理解戰敗玉音播出後系日語世界掀起嘅巨大震動,直到本片。主角一家可以接受生活水平下降,可以接受工作嘅操勞,可以接受親人離去,可以接受死亡嘅迫近,因為始終可以搵倒一個理由——為戰爭嘅勝利,為玉碎。但當呢個支撐住一切嘅理由被擊碎,早已失衡嘅內心肯定會崩潰。就好似姐姐直到此刻先第一次竭斯底裡呼喊女兒嘅名字,原本一直迷糊平靜嘅女主會茫然跑到山坡上痛哭,因為被壓抑許久嘅情緒終於決堤了。

       任何帶住南京去睇廣島嘅人都唔可能真正體會到戰爭嘅殘酷,你睇倒嘅只系中國人眼中嘅戰爭,但戰爭嘅殘酷系唔區分國度嘅,原子彈嘅殘酷唔會因為南京大屠殺而減小,正如白軍入侵唔可以成為卡廷森林屠殺嘅理由一樣。發動戰爭嘅系軍國政府,普通百姓除忠誠追隨還可以如何?傾巢之下,豈有完卵,固然冇錯,但系咪就代表文革時參加批鬥嘅人通通都該死?

       電影嘅觀眾終歸系平民佔多數,切身感受生活嘅變化,見證至親嘅離去,遠遠比多少多少萬人陣亡呢啲冷冰冰嘅數字要嚟得真實。戰爭嘅殘酷並唔僅僅存在於抗日神劇硝煙瀰漫嘅戰場,亦同樣覆蓋住陽光海岸邊平靜嘅民房;殘酷並唔一定要我哋腸破肚裂,痛不欲生,佢可能僅僅系從前愛好畫畫嘅自己再亦無法執起畫筆了,可能僅僅系從前只懂得責罵自己嘅果個人再亦唔會責罵自己了,可能僅僅系從前迷糊嘅自己以後再亦無法再迷糊落去了。

       本片用歡聲笑語為我哋展現咗日本戰敗前最後嘅時光,平淡而動人心扉。睇住系廣島原爆點旁默默豎起嘅果面寫住“復興”嘅旗,百感交集,佢既系日本跨過咗一道障礙,亦系人類社會跨入咗一個全新嘅時代,雖然無法排除明天會有新嘅軍國主義誕生,但同時肯定亦有更茁壯嘅和平之樹會開枝散葉,呢份希望既系我心中,亦必然可以繫世界嘅每一個角落存活,成長。

動畫信息

謝謝你,在世界的角落找到我
中文名:謝謝你,在世界的角落找到我
原 名:この世界の片隅に
又 名:謝謝你,在世界角落中找到我(港) / 謝謝你,在世界的角落找到我(臺) / 在這世界的一隅 / 這個世界的角落 / In This Corner of the World
首 播:2016-11-12(日本)
IMDb:tt4769824

相關閱讀

最近更新

隨機推薦


© 2022 3樓貓動漫 站點地圖 廣告合作:asmrly666@gmail.com