【電影】17015[3.12]《最終幻想15：王者之劍》

毫無疑問，本片系一部代表咗日本最頂端渲染水平嘅CG大片，沒有之一！畫面之精美簡直無與倫比，人物表情、動作、物件質感、色彩、光影，每一幀都已經做到以假亂真嘅程度，單CG就足夠我俾3顆星了。如果真實嘅《FF15》全程都以咁樣嘅畫質呈現，絕對可以燒死包括我自己在內嘅絕大部分電腦，唯PS3同Xbox One不可啊。

同歷代FF相似，本片基於一個架空嘅魔幻世界，古典文化、現代建築，還有次世代科技共存。講述咗軍事強權國家覬覦魔法國家嘅能量，最後系王都爆發一場恢弘嘅魔幻戰爭嘅故事。巨大嘅浮空戰艦、威武嘅大劍、華麗嘅盔甲，全部系我最中意嘅遊戲元素，而最令我震撼嘅，莫過於千百年嚟，一直化身巨大塑像默默守護住王國子民嘅歷代眾國王們，系“古城牆”覺醒後同男主系現代摩天大樓森林中並肩作戰抗擊惡魔嘅場面充滿咗磅礴嘅史詩氣息。

可能，好多觀眾會怪責本片前文、後續都交代得不清不楚，感覺大戰過後故事戛然而止。但要知道FF嘅電影畢竟唔系常態，本片所以會誕生，完全係為即將發售嘅遊戲預熱，作為一部遊戲預告，本片無疑已經完美咁，遠遠超額咁完成任務了。故事冇交代清楚，還唔系希望觀眾抱住好奇繼續追溯落去。

作為經歷過掌機同電視遊戲平臺巔峰嘅一代，雖然冇玩過FF，但再次系熒屏上見到如此質量極高嘅畫面，而且系日本遊戲公司出品，實在系百感交集。當5年前最後一次打開Koei嘅遊戲後，就再亦未碰過日本遊戲，一邊感嘆PC平臺即將被Ubi同EA一統，一邊傷感Ubi同EA亦在逐步走向沒落嘅時候，再見到久違嘅日本遊戲商影子，有種同多年未見嘅老友重逢嘅喜悅。身處掌機已經成為古董，電視遊戲平臺市場嚴重萎縮，面對移動平臺洶湧攻勢，PC平臺亦全面潰敗嘅時代，呢種大熒幕遊戲本身就係一種情懷，佢代表住過來人嘅回憶，還有資深玩家嘅一份堅持。

系當年SQUARE同ENIX合併嘅時候，我曾以為佢哋將走向消亡，但世估唔到S-E憑藉FF咁樣一款年紀比我還大嘅經典能延續到今日，亦希望傳統遊戲商能如同FF一樣，真正搵倒有力嘅突破口，重現二十一世紀初大熒幕遊戲嘅輝煌。

十分精彩，情懷滿滿，推薦，考慮收藏。